समाचारहरू

१३ वर्षीया बालिकालाई बलात्कार गरेको ठहरमा पोखरा उमनपा-८, सिमलचौरका ३८ वर्षीय कविराज आचार्यलाई जिल्ला अदालत कास्कीले साउन २४ गते २१ वर्षकैदको फैसला सुनाएको छ  ।

 

गत फागुन महिनामा पटकपटक बलात्कार गरेको र अन्तिम पटक फागुनको २५ गते पीडित बालिकालाई बलात्कार गरेको आरोपमा पीडित बालिकाकी आमाले फागुन २८ गते जिल्ला प्रहरी कार्यालय कास्कीमा उजुरी दिएकी थिइन् ।

 

पीडित बालिकाको आमाले दिएको उजुरीको आधारमा आरोपितलाई फागुन ३० गते प्रहरीले गिरफ्तार गरेको थियो । आचार्यलाई जिल्ला अदालतले चैत २६ गते पूर्पक्षका लागि थुनामा पठाएको थियो ।

 

उनलाई हाडनाता करणी गरेको ठहरमा १० वर्ष र जबरजस्ती करणी गरेको ठहरमा ११ वर्षगरी २१ वर्षकैद तथा पीडितका लागि १ लाख ५० हजार क्षतिपूर्ति दिलाउने फैसला भएको कास्की जिल्ला अदालतका सूचना अधिकारी खुमप्रसाद भण्डारीले जानकारी दिए ।

विष्णुप्रसाद अधिकारी