समाचारहरू

१८ वर्षीया युवतीलाई बलात्कार गरेको ठहर गर्दै जिल्ला अदालत दाङले जाङ गाविस-७ का ३३ वर्षीय लालबहादुर बोहरालाई पाँच वर्षकैदको फैसला सुनाएको छ ।

न्यायाधीश चुरामन खड्काको इजलासले साउन २५ गते बोहरालाई दोषी ठहर गर्दै पाँच वर्षकैद र १५ हजार रुपियाँ क्षतिपूर्ति पीडितलाई दिनुपर्ने आदेश दिएको अदालतका श्रेष्तेदार गम्भीर रानाले बताए ।

विवाह गर्ने भन्दै गत असार ४ गते बलात्कार गरेको भन्दै पीडित पक्षले असार ६ गते इलाका प्रहरी कार्यालय तुल्सीपुरमा उजुरी दिएको थियो ।

आरोपितलाई इलाका प्रहरी कार्यालय तुलसीपुरले असार ६ गते गिरफ्तार गरी जिल्ला अदालतमा मुद्दा दायर गरेको थियो । पीडित युवतीको स्वास्थ्य परीक्षण राप्ती अञ्चल अस्पताल तुलसीपुरमा असार ६ गते गरिएको प्रहरीले जनाएको छ ।

 

जे.एन.सागर