समाचारहरू

५१ वर्षीया महिलालाई बलात्कार गरेको कसुरमा जिल्ला अदालतले धुनीबेसी नगरपालिका-२ का ३८ वर्षीय सन्तोष रम्तेललाई ७ वर्ष १ महिना कैदको फैसला गरेको छ ।

न्यायाधीश मनकुमारी जिएम बिकको असोज १५ गतेको  इजलासले  कसुरदार ठहरिएका रम्तेललाई ७ वर्ष १ महिना कैद, ३ लाख रुपियाँ जरिबाना, पीडित राहत कोषमा १२ हजार तिर्नुपर्ने र पीडितलाई २ लाख रुपियाँ क्षतिपूर्ति दिनुपर्ने फैसला गरेको जिल्ला अदालतका श्रेस्तेदार माधव भणडारीले  बताउनु भयो ।

रम्तेलविरुद्ध जिल्ला प्रहरी कार्यालयले जिल्ला सरकारी वकिलमार्फत ०८१ असार १८ गते जबरजस्ती करणी शीर्षकमा मुद्दा दर्ता गरेको थियो ।

पीडित पक्षले ०८१ जेठ १४ गते आरोपितले बलात्कार गरेको भन्दै जेठ २९ गते उजुरी दिएको थियो । पीडितको स्वास्थ्य परीक्षण धादिङ अस्पतालमा जेठ २९ गते गरिएको थियो ।

सीताराम अधिकारी