बलात्कार गरेको कसुरमा ७ वर्ष २ महिना कैद सजायको फैसला

  ०८१ भदौ २६ गते

४६ वर्षीया महिलालाई बलात्कार गरेको कसुरमा जिल्ला अदालतले रामपुर नगरपालिका–१० का ३६ वर्षीय मेकबहादुर सारुलाई ७ वर्ष २ महिना कैद सजायको फैसला सुनाएको छ ।

जिल्ला अदालतका न्यायाधीश दलबहादुर केसीको ०८१ भदौ २५ गतेको इजलासले आरोपितलाई ७ वर्ष २ महिना कैद सजाय र २५ हजार रुपियाँ क्षतिपूर्ति भराउने फैसला गरेको जिल्ला अदालतका श्रेस्तेदार केशव पराजुलीले इन्सेकलाई जानकारी दिनुभयो ।

पीडितलाई सारुले ०७९ फागुन १३ गते बलात्कार गरेको भन्दै पीडित पक्षले फागुन १४ गते जिल्ला प्रहरी कार्यालयमा उजुरी दिएको थियो । सारुलाई प्रहरीले फागुन १४ गते गिरफ्तार गरेको थियो । पीडितको स्वास्थ्य परीक्षण फागुन १४ गते पाल्पा अस्पतालमा गरिएको थियो ।


यज्ञमूर्ति तिमिल्सिना