समाचारहरू

सात वर्षीया बालिकालाई बलात्कार गरेको कसुरमा माडी नपा-८ का ३१ वर्षीय सुरेश भन्ने चिजकुमार गुरूङलाई जिल्ला अदालत चितवनले चैत १ गते ६ वर्षकैदको फैसला सुनाएको छ ।

न्यायाधीश सूर्यबहादुर थापाको इजलासले गुरूङलाई उक्त सजाय सुनाएको हो । पीडित बालिकालाई आरोपितले गत कात्तिक २ गते बलात्कार गरेको भन्दै कात्तिक ६ गते जिल्ला प्रहरी कार्यालय चितवनमा उजुरी परेको थियो ।

आरोपितलाई कात्तिक ७ गते नै प्रहरीले गिरफ्तार गरी अनुसन्धान गरेको थियो । पीडित बालिकाको स्वास्थ्य परीक्षण कात्तिक ८ गते भरतपुर अस्पतालमा गरिएको थियो ।

दिपेन्द्र अधिकारी