समाचारहरू

१२ वर्षीया बालिकालाई बलात्कार गरेको कसुरमा  १३ वर्षीय बालकलाई जिल्ला अदालतले ६ महिना सुधार गृहमा राख्न र ८० हजार रुपियाँ जरिबाना गर्न फैसला गरेको छ ।
न्यायाधीश गोपालप्रसाद वास्तोलाको इजलासले ०८१ असोज ६ गते ६ महिना सुधार गृहमा राख्ने र बालकको अभिभावकबाट जरिबाना भराउने तथा पीडितलाई पीडित राहत कोषबाट ५० हजार तत्काल क्षतिपूर्ति दिन फैसला गरेको अदालतका तहसिलदार ध्रुव सुवेदीले जानकारी दिनु भयो ।

पीडित बालिकालाई बालकले ०८१ साउन १० गते बलात्कार गरेको भन्दै सोही दिन पीडित पक्षले जिल्ला प्रहरी कार्यालयमा उजुरी दिएको थियो ।

उजुरीपछि बालकलाई साउन १० गते गिरफ्तार गरी जिल्ला प्रहरी कार्यालयमा न्यायिक हिरासतमा राखिएकोमा जिल्ला अदालतको साउन २९ गतेको आदेशले नियमित अदालत हाजिर हुने, नियमित विद्यालय जाने र एक महिनासम्म पीडित परिवार, पीडितलाई भेट्न नपाउने शर्तमा अभिभावककको जिम्मा लगाएर पठाएको थियो ।

पीडित बालिकाको स्वास्थ्य परीक्षण साउन १० गते धादिङ अस्पतालमा गरिएको थियो ।

 

सीताराम अधिकारी