बलात्कार गरेको कसुरमा ५२ वर्ष बढी कैद सजायकाे फैसला

  ०८० साउन १६ गते

दश वर्षीया छोरीलाई बलात्कार गरेको कसुरमा जिल्ला अदालतले ३५ वर्षीय एक बाबुलाई ५२ वर्ष बढी कैद सजायकाे फैसला सुनाएको छ।

जिल्ला अदालतका न्यायाधीश प्रकाशकुमार अधिकारीकाे ०८० साउन १४ गते इजलासले कसुर गरेको ठहर गर्दै ५२ वर्ष ६ महिना कैद सजायकाे आदेश भएको अदालतका स्रेस्तेदार नगेन्द्रकुमार कालाखेतीले बताउनु भयो।

१० वर्ष भन्दा कम उमेर बालिकाकरणीमा २५ वर्ष, हाडनाता करणीमा २५ वर्ष र हतियार देखाइ करणी गरेको अभियोगमा २ वर्ष ६ महिना गरी कुल ५२ वर्ष ६ महिना कैद सजाय फैसला भएको स्रेस्तेदार कालाखेतीले बताउनु भयो ‌।

मुद्दा हाल उच्च अदालत विराटनगर, अस्थायी इजलास ओखलढुङ्गामा साधक जायरका लागि पेश भएको सोलुखुम्बु जिल्ला अदालतले जनाएको छ ।


अन्जु कार्की