वैवाहिक बलात्कार गरेको कसुरमा १ वर्ष ६ महिना कैद सजायको फैसला

  ०७९ चैत ३ गते

२२ वर्षीया पत्नीलाई बलात्कार गरेको कसुरमा जिल्ला अदालतले गोरखा जिल्लाको पालुङटार नगरपालिका–७ स्थायी घर भइ सोलुदूधकुण्ड नगरपालिकाका २६ वर्षीय पतिलाई १ वर्ष ६ महिना कैद सजायको फैसला सुनाएको छ ।

जिल्ला अदालतका न्यायाधीश प्रकाशकुमार अधिकारीको ०७९ चैत १ गतेको इजलासले कैद सजायको फैसला गरेको हो ।

पीडितलाई आरोपितले ०७९ असार ९ गते बलात्कार गरेको आरोपमा पीडितले आरोपितविरूद्ध असार १० गते जिल्ला प्रहरी कार्यालयमा उजुरी दिनु भएको थियोे ।

पीडित पक्षको उजुरीका आधारमा आरोपितलाई प्रहरीले असार १० गते गिरफ्तार गरी जिल्ला अदालतमा असार २७ गते वैवाहिक बलात्कार शीर्षकमा मुद्दा दर्ता गरेको थियो ।

जिल्ला अदालतको ०७९ असार २८ गतेको आदेशमा आरोपित पुर्पक्षका लागि थुनामा थिए ।

पीडितको स्वास्थ्य परीक्षण जिल्ला अस्पतालमा ०७९ असार १२ गते गरिएको थियो ।


अञ्जु कार्की