समाचारहरू

१६ वर्षीया बालिकालाई बलात्कार गरेको कसुरमा जिल्ला अदालतले धनकुटा, छथरजोरपाटी गाउँपालिका–४ का २१ वर्षीय योगेन्द्र विकलाई १८ वर्ष कैद सजायको फैसला सुनाएको छ ।

न्यायाधीश गेहेन्द्रराज पन्तको माघ २८ गतेको इजलासले कसुर गर्दै १८ वर्ष कैद सजायको फैसला सुनाएको अदालतका श्रेस्तेदार नवराज कार्कीले इन्सेक प्रतिनिधिसँगको फोन सम्पर्कमा बताउनु भयो ।

पीडित बालिकालाई आरोपितले ०७६ साउन ३० गते बलात्कार गरेको आरोपमा पीडित पक्षले आरोपितविरूद्ध भदौ २ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई प्रहरीले सोही दिन गिरफ्तार गरी जिल्ला अदालतमा भदौ ७ गते बलात्कार शीर्षकमा मुद्दा दर्ता गरी कारबाही अघि बढाएको थियो ।

पीडित बालिकाको स्वास्थ्य परीक्षण जिल्ला अस्पतालमा भदौ २ गते गरिएको थियो ।

गणेश विष्ट