बलात्कार गरेको कसुरमा १८ वर्ष कैद सजायको फैसला

  ०८१ वैशाख ७ गते

१२ वर्षीया बालिकालाई बलात्कार गरेको कसुरमा जिल्ला अदालतका न्यायाधीश कृष्ण जङ्ग शाहको ०८१ वैशाख ७ गतेको इजलासले भूमिकास्थान नगरपालिका-६ का ५९ वर्षीय नुमबहादुर पुन मगरलाई १८ वर्ष कैद सजाय, ७ लाख रुपियाँ जरिबाना र २ लाख रुपियाँ पीडितलाई क्षतिपुर्ति भराउने फैसला गरेको छ ।

पीडितलाई पुन मगरले ०७९ कात्तिक ७ गते बलात्कार गरेको भन्दै पीडित पक्षले कात्तिक ८ गते जिल्ला प्रहरी कार्यालयमा उजुरी दिएको थियो । पुन मगर सोही दिन गिरफ्तार भएका थिए । पीडितको स्वास्थ्य परीक्षण कात्तिक ८ गते अर्घाखाँची अस्पताल, सन्धिखर्कमा भएको थियो ।

जिल्ला अदालतको कात्तिक २९ गतेको इजलासले पुन मगरलाई पुर्पक्षका लागि थुनामा पठएको थियो ।


कुलबहादुर नेपाली