बलात्कार गरेको कसुरमा १५ वर्ष कैदको फैसला

  ०७९ वैशाख २१ गते

बोल्न नसक्ने अपाङ्गता भएकी १२ वर्षीया एक बालिकालाई बलात्कार गरेको आरोपमा अग्नीसाइर कृष्णसवरण गाउँपालिका–३ मट्टिगढाका २० वर्षीय आशाराम रामलाई अदालतले वैशख २१ गते १५ वर्ष कैद सजाय गरेको छ ।

यायाधीश इश्वरमणी ओझाको इजलासले अभियोग दावी पुग्ने भन्दै १५ वर्ष कैद र ५ लाख रुपियाँ क्षतिपूर्ति भराउने फैसला गरेको आरोपितका कानुन व्यवसायी बालकृष्ण ढुङ्गानाले जानकारी दिनु भयो ।

गाईबस्तु चराउन गएकी अपाङ्गता भएकी बालिकालाई अमसोत नदीको किनारमा रहेको झाडीमा रामले ०७७ जेठ १ गते बलात्कार गरेको भन्दै पीडितकी आमाले जिल्ला प्रहरी कार्यालयमा जेठ २ गते उजुरी दिएकी थिइन् ।

बलात्कार गरेको देखेपछि एक गाउँलेले अन्य गाउँलेहरूलाई बोलाएर रामलाई नियन्त्रणमा लिई प्रहरी चौकी पकरीको जिम्मा लगाएका थिए ।

पीडितको स्वास्थ्य परीक्षण गजेन्द्रनारायण सिंह अस्पतालमा ०७७ जेठ १ गते गरी जिल्ला प्रहरी कार्यालयले जेठ २ गते उजुरी दर्ता गरेको थियो ।

जिल्ला अदालतमा ०७७ जेठ २५ गते अभियोग पत्र दायर भएकोमा जेठ २६ गतेदेखि बलात्कार आरोपमा राम पुर्पक्षका लागि राजविराज कारागारमा थुनामा रहेको जिल्ला अदालतले जनाएको छ ।


मनोहरकुमार पोखरेल