बलात्कार गरेको कसुरमा १३ वर्षकैदको फैसला

  ०७४ वैशाख ३१ गते

६ वर्षीया बालिकालाई बलात्कार गरेको कसुरमा दोषी ठहर गर्दै २२ वर्षीय युवकलाई जिल्ला अदालत ताप्लेजुङले १० वर्ष र हाडनातामा बलात्कार गरेको आरोपमा ३ वर्षथप गरी १३ वर्षकैद फैसला सुनाएको छ ।

पीडित बालिकालाई आफ्नै नातेदारले बलात्कार गरेको ठहरसहित आलातले वैशाख ३१ गते १३ वर्षकैदको फैसला भएको अदालतका श्रेस्तेदार गोपाल थापाले जानकारी दिए ।

पीडित बालिकालाई गत चैत १५ गते बलात्कार गरेको आरोपमा अभिभावकले चैत २० गते जिल्ला प्रहरी कार्यालयमा उजुरी दिएका थिए

मौखिक उजुरीका आधारमा चैत १८ गते प्रहरीलाई खबर गरेपछि पीडित बालिकाको स्वास्थ्य परीक्षण सोही दिन गरिएको थियो ।

त्यसैगरी १५ वर्षीया बालिकालाई बलात्कार गरेको कसुरमा दोषी ठहर गर्दै आठराई त्रिवेणी गाउँपालिका-२, फुलबारीका १९ वर्षीय तोर्मे भन्ने विजय शेर्पालाई जिल्ला अदालत ताप्लेजुङले ६ वर्षकैद फैसला सुनाएको छ ।

न्यायाधीश अशोककुमार बस्नेतको इजलासले वैशाख ३१ गते शेर्पालाई कैद र नेपाल सरकारबाट पीडितलाई ५० हजार क्षतिपूर्ति भराउने फैसला गरेको हो । शेर्पासँग जायजेथा केही नदेखिएको/नपाइएकाले पीडितलाई नेपाल सरकारको नाममा क्षतिपूर्ति भराउने गरी फैसला भएको अदालतका श्रेस्तेदार गोपाल थापाले जानकारी दिए ।

पीडित बालिकालाई २०७३ फागुन २६ गते बलात्कार गरेको आरोपमा फागुन २७ गते जिल्ला प्रहरी कार्यालयमा उजुरी दिएका थिए ।

पीडित बालिकाको स्वास्थ्य परीक्षण फागुन २७ गते नै जिल्ला अस्पतालमा गरिएको थियो । प्रहरीले शेर्पालाई फागुन ३० गते गिरफ्तार गरी चैत २२ गते अदालतमा मुद्दा चलाएको थियो ।


देवराज गुरुङ