समाचारहरू

१४ वर्षीया बालिकालाई बलात्कार गरेको कसुरमा जिल्ला अदालत धादिङले भदो २५ गते बेनिघाट रोराङ गाउँपालिका–७ एललेख बस्ने ४० वर्षीय भारतीय नागरिक सञ्जयकुमार प्रसादलाई १२ वर्ष कैद सजायको फैसला गरेको छ ।

न्यायाधीश मनकुमारी जिएम बिकको इजलासले गरेको फैसलामा कसुरदारलाई ५ लाख रुपियाँ जरिबाना गर्न र पीडितलाई २ लाख रुपियाँ क्षतिपूर्ति दिन भनिएको जिल्ला अदालतका श्रेस्तेदार माधव भण्डारीले जानकारी दिनु भयो ।

पीडित बालिकालाई सञ्जयले ०८० वैशाख १ गते बलात्कार गरेको भन्दै पीडित पक्षले ०८० वैशाख २८ गते इलाका प्रहरी कार्यालय गजुरीमा उजुरी दिएको थियो ।

पीडित बालिकाको स्वास्थ्य परीक्षण वैशाख २८ गते नै धादिङ अस्पतालमा गरिएको थियो । तत्कालिन अवस्थामा फरार भएका सञ्जयलाई ०८१ वैशाख २ गते प्रहरीले गिरफ्तार गरेको प्रहरीले जनायो । सञ्जय ०८१ वैशाख १७ गतेदेखि पुर्पक्षका लागि थुनामा रहेको पनि प्रहरीले जानकारी दिएको छ ।

सीताराम अधिकारी