समाचारहरू

१४ वर्षीया बालिकालाई बलात्कार गरेको कसुरमा जिल्ला अदालतले तिनाउँ गाउँपालिका–१, ठुलीउदाङका २३ वर्षीय हिमाल सोमरेलाई १२ वर्ष कैद सजायको फैसला गरेको छ ।

न्यायाधीश दलबहादुर केसीको असार २७ गतेको इजलासले कसुर ठहर गर्दै १२ वर्ष कैद सजाय, ५ लाख रुपियाँ जरिबाना र ५० हजार रुपियाँ क्षतिपूर्ति भराउने फैसला गरेको जिल्ला अदालतका श्रेस्तेदार केशव पराजुलीले जानकारी दिनुभयो ।

पीडितलाई आरोपितले ०७९ असार ३ गते बलात्कार गरेको भन्दै पीडित पक्षले पुस १० गते जिल्ला प्रहरी कार्यालयमा उजुरी दिएको थियो । पीडित पक्षको सोही उजुरीको आरधारमा प्रहरीले आरोपितलाई पुस १० गते गिरफ्तार गरेको थियो । पीडितको स्वास्थ्य परीक्षण पुस १० गते पाल्पा अस्पतालमा भएको थियो ।

यज्ञमूर्ति तिमिल्सिना