समाचारहरू

१५ वर्षीया बालिकालाई बलात्कार गरेको कसुरमा जिल्ला अदालतका न्यायाधीश उद्धव भट्टराईको इजलासले ०८० असोज ९ गते स्याङ्जाको वालिङ नगरपालिका-६ का २३ वर्षीय रेमन गुरुङ र चितवनको रत्ननगर नगरपालिका-१६ का २३ वर्षीया एलिस मगरलाई १२ वर्ष कैद सजाय, ५ लाख रुपियाँ जरिबाना र १ लाख रुपियाँ पीडितलाई क्षतिपुर्ति भराउने फैसला सुनाएको छ ।

पीडित बालिकालाई गुरुङ र मगरले ०७९ फागुन २३ गते बलात्कार गरेको भन्दै पीडित पक्षले फागुन २४ गते इलाका प्रहरी कार्यालय, रत्ननगरमा उजुरी दिएको थियो ।

पीडित बालिकाको स्वास्थ्य परीक्षण फागुन २४ गते भरतपुर अस्पतालमा भयो । गुरुङ र मगर सोही दिन गिरफ्तार भएका थिए । जिल्ला अदालतको आदेशले गुरुङ र मगरलाई ०७९ चैत २० गते पुर्पक्षका लागि थुनामा पठाएको थियो ।

दिपेन्द्र अधिकारी