समाचारहरू

१४ वर्षीया बालिकालाई बलात्कार गरेको कसुरमा जिल्ला अदालतका न्यायाधीश नारायणप्रसाद पौडेलको इजलासले ०८० भदौ २५ गते भरतपुर महानगरपालिका-१६ का ३२ वर्षीय दिनेश परियारलाई १२ वर्ष कैद सजाय, पाँच हजार रुपियाँ जरिवाना र २० हजार रुपियाँ पीडित राहत कोषमा भराउने फैसला गरेको छ ।

पीडित बालिकालाई परियारले ०७९ फागुन १२ गते बलात्कार गरेको भन्दै पीडित पक्षले फागुन १४ गते जिल्ला प्रहरी कार्यालयमा उजुरी दिएको थियो ।

पीडित बालिकाको स्वास्थ्य परीक्षण फागुन १४ गते भरतपुर अस्पतालमा भयो । आरोपित सोही दिन घरबाटै गिरफ्तार भएका थिए । जिल्ला अदालतको आदेशले आरोपितलाई चैत ८ गते पुर्पक्षका लागि थुनामा पठाएको थियो ।

दिपेन्द्र अधिकारी