बलात्कार गरेको कसुरमा १२ वर्ष कैद सजायको फैसला

 

१६ वर्षीया बालिकालाई बलात्कार गरेको कसुरमा जिल्ला अदातलले लालीगुराँस नगरपालिका–३ मुसाङखेलका १९ वर्षीय अनिश बस्नेतलाई १२ वर्ष कैद सजायको फैसला गरेको छ ।

जिल्ला अदालतका न्यायाधीश प्रमेश पोखरेलेको ०८० असार ३ गतेको इजलासले कसुर गरेको ठहर गर्दै कैद सजायसँगै ४ लाख रुपियाँ जरिबाना भराउन आदेश भएको अदालतका श्रेस्तेदार पारसमणि पोखरेलले बताउनु भयो ।

पीडित बालिकालाई आरोपितले ०७९ जेठ १० गते बलात्कार गरेको आरोपमा पीडित पक्षले आरोपितविरूद्ध जेठ १० गते जिल्ला प्रहरी कार्यालयमा उजुरी थियो ।

पीडित पक्षको उजुरीका आधारमा आरोपितलाई प्रहरीले ०७९ जेठ ११  गते घरबाटै गिरफ्तार गरी सरकारी वकिलको कार्यालयमार्फत जिल्ला अदालतमा जेठ ३० गते  शीर्षकमा मुद्दा दर्ता थियो ।

जिल्ला अदालतका न्यायाधीश महेन्द्रप्रसाद पोखरेलेको जेठ ३० गतेको आदेशले आरोपित पुर्पक्षका थुनामा थिए ।

पीडित बालिकाको स्वास्थ्य परीक्षण जिल्ला अस्पतालमा ०७९ जेठ १० गते गरिएको थियो ।


सुरेश खत्री