समाचारहरू

२५ वर्षीया महिलालाई बलात्कार गरेको कसुरमा ३९ वर्षीय दाजूलाई जिल्ला अदालत धादिङले मङ्सिर ११ गते  ११ वर्ष कैद गर्ने फैसला गरेको छ ।

न्यायाधीश गोपालप्रसाद बास्तोलाको इजलासले कसुरदार ठहरिएका दाजूलाई जबरजस्ती करणी गरेको कसुरमा मुलुकी अपराध संहिता २०७४ को दफा ३१९ को ३ (ङ) बमोजिम सात वर्ष र हाडनातामा  बलात्कार गरेको कसुरमा मुलुकी अपराध संहिता २०७४ को दफा २२० को २ (ख) बमोजिम चार वर्ष गरी ११ वर्ष कैद गर्ने फैसला गरेको श्रेस्तेदार माधव भण्डारीले बताउनु भयो ।

कसुरदारबाट ३ लाख ४० हजार रुपियाँ जरिबाना गर्ने र सो जरिबाना गरिएको रकम पीडितलाई क्षतिपूर्ति दिन समेत फैसलामा उल्लेख छ ।

पटकपटक बलात्कार गरेको र पछिल्लो पटक ०८० असार ३ गते बलात्कार गरेको भन्दै पीडितले जिल्ला प्रहरी कार्यालय धादिङमा माघ २१ गते उजुरी दिएको सोही दिन प्रहरीले गिरफ्तार गरेको थियो ।

पीडितको स्वास्थ्य परीक्षण धादिङ अस्पतालमा माघ २२ गते गरिएको थियो । जिल्ला सरकारी वकिल कार्यालयमार्फत माघ २२ गते जिल्ला अदालतमा पेश गरिएका आरोपित विरुद्ध जिल्ला अदालतमा फागुन १५ गते मुद्दा दर्ता भएको थियो । जिल्ला अदालतको फागुन १८ गतेको आदेशले कसुरदार पुर्पक्षका लागि थुनामा रहेका थिए ।

सीताराम अधिकारी