समाचारहरू

१७ वर्षीया बालिकालाई बलात्कार गरेको कसुरमा तुलसीपुर उमनपा–४ का २८ वर्षीय सुमन भन्ने मनोज भण्डारीलाई दोषी ठहर गर्दै जिल्ला अदालतले १० वर्ष कैद सजायको फैसला गरेको छ ।

जिल्ला अदालतका न्यायाधीश लालसिंह थापाको ०८१ माघ २९ गतेको इजलासले दोषी ठहर गर्दै १० वर्ष कैद सजाय, ५ लाख रुपियाँ जरिबाना, ३० हजार रुपियाँ पीडितलाई उपलब्ध गराउने र २० हजार रुपियाँ पीडित राहत कोषमा जम्मा गर्ने फैसला गरेको अदालतका स्रेस्तेदार दामोदर घिमिरेले जानकारी दिनुभयो ।

भण्डारीले ०८१ जेठ १२ गते बलात्कार गरेको भन्दै पीडित पक्षले जेठ १३ गते इलाका प्रहरी कार्यालय तुलसीपुरमा उजुरी दिएका थिए । पीडितको स्वास्थ्य परीक्षण जेठ १३ गते राप्ती प्रादेशिक अस्पताल तुलसीपुरमा भएको थियो भने प्रहरीले भण्डारीलाई जेठ १३ गते गिरफ्तार गरेको थियो ।

जयनारायण पुन