समाचारहरू

१६ वर्षीया बालिकालाई बलात्कार गरेको कसुरमा जिल्ला अदालतले छत्रेश्वरी गाउँपालिका–२, सल्यानका २१ वर्षीय लक्ष्मण विकलाई १० वर्ष कैद फैसला सुनाएको छ ।

जिल्ला अदालतका न्यायाधीश प्रतिमाकुमारी भट्टराइ पोख्रेलको ०८१ कात्तिक २८ गतेको इजलासले दोषी ठहर गर्दै १० वर्ष कैद सजाय, ५ लाख रुपियाँ क्षतिपूर्ति, ५० हजार रुपियाँ जरिबाना र १ हजार ८ सय रुपियाँ पीडित राहत कोषमा जम्मा गर्ने फैसला गरेको अदालतका श्रेस्तेदार दामोदर घिमिरेले जानकारी दिनुभयो ।

बिकले ०७९ माघ १६ गते बालिका बलात्कार गरेको भन्दै पीडित पक्षले ०७९ चैत २३ गते इलाका प्रहरी कार्यालय, तुलसीपुरमा उजुरी दिएको थियो । बिकलाई प्रहरीले चैत २६ गते गिरफ्तार गरेको थियो । पीडितको स्वास्थ्य परीक्षण चैत २३ गते राप्ती प्रादेशिक अस्पताल, तुलसीपुरमा गरिएको थियो ।

जयनारायण पुन