समाचारहरू

५० वर्षीया महिलालाई बलात्कार गरेको कसुरमा साकेला गाउँपालिका-२ का ५१ वर्षीय टिकाराम दमाईलाई जिल्ला अदालतले भदौ ८ गते १० वर्षकैद र १ लाख रुपियाँ जरिबानाको फैसला गरेको छ ।

न्यायाधीश शान्तिप्रसाद आचार्यको इजलासले दमाईलाई दोषी ठहर गर्दै १० वर्षकैद र १ लाख रुपियाँ जरिबानाको फैसला गरेको जिल्ला अदालतका श्रेस्तेदार प्रदिपकुमार उपाध्यायले जानकारी दिए ।

आरोपितविरुद्ध खोटाङ जिल्ला अदालतमा फागुन १५ गते 'जबरजस्ती करणी' महल अन्तर्गतको मुद्दा दर्ता भएकोमा चैत २ गतेदेखि उनी पुर्पक्षको लागि जिल्ला कारागारमा थुनामा छन् ।

पीडित महिलालाई आरोपितले ०७३ फागुन ९ गते बलात्कार गरेको भन्दै पीडित पक्षले जिल्ला प्रहरी कार्यालय खोटाङमा फागुन १२ गते उजुरी दिएको थियो ।

पीडित महिलाको स्वास्थ्य परीक्षण जिल्ला अस्पताल दिक्तेलमा फागुन १२ गते भएको थियो । पीडित पक्षको उजुरीका आधारमा आरोपितलाई प्रहरीले फागुन १५ गते गिरफ्तार गरेको थियो ।

सुनिता मगर