समाचारहरू

नौ र सात वर्षीया बालिकालाई बलात्कार गरेको कसुरमा भरतपुर महानगरपालिका-१४, राधापुरका ७१ वर्षीय कुलप्रसाद पौडेललाई असार ५ गते जिल्ला अदालतले १० वर्षकैदको फैसला सुनाएको छ ।

न्यायाधीश राजेन्द्र अधिकारीको इजलासले उक्त फैसला गरेको हो । पीडित बालिकाद्वयलाई आरोपितले ०७४ फागुन १२ गते बलात्कार गरेको आरोपमा पीडित पक्षले फागुन १३ गते जिल्ला प्रहरी कार्यालय चितवनमा उजुरी दिएको थियो ।

पीडित बालिकाद्वयको स्वास्थ्य परीक्षण फागुन १४ गते भरतपुर अस्पतालमा गरिएको थियो । आरोपितलाई प्रहरीले फागुन १३ गते गिरफ्तार गरी मुद्दा चलाएको थियो ।

दिपेन्द्र अधिकारी