समाचारहरू

५७ वर्षी एक महिलालाई बलात्कार गरेको कसुर ठहर गर्दै जिल्ला अदालतले नीलकण्ठ नगरपालिका-२ का चित्रबहादुर गुरुङलाई सात वर्ष कैदको फैसला गरेको छ ।

६ वर्ष अघि बलात्कार गरी फरार भएको घटनासम्बन्धी मुद्दाको जिल्ला अदालतले भदौ २८ गते सो फैसला सुनाएको छ ।

न्यायधीश मनकुमारी जिएम बिकको इजलासले कसुरदारलाई सा वर्ष कैद गर्दै २ लाख रुपैयाँ जरिबाना गर्न तथा पीडितलाई सो जरिबानाको रकम क्षतिपूर्ति दिन फैसला गरेको जिल्गला अदालतले जनाएको छ ।

०७५ साउन २७ गते पीडित महिलालाई गुरुङले बलात्कार गरेको भन्दै पीडित पक्षले ०७५ मङ्सिर २१ गते जिल्ला प्रहरी कार्यालयमा उजुरी दिएको थियो ।

सोही दिन जिल्ला अदालत धादिङमा पीडितको स्वास्थ्य परीक्षण गरिएको थियो ।  ०७५ पुस २४ गते जिल्ला अदालतमा दर्ता भएको मुद्दाका आरोपित चित्रबहादुर गुरुङ फरार भएकोले ०७६ कात्तिक २५ गते मुद्दा मुल्तबीमा राखिएको थियो ।

सर्वाेच्च अदालतले दुई वर्ष पुराना मुद्दा बाँकी नराख्नु भन्ने आदेश र जिल्ला अदालतको पुराना मुद्दाको किनारा लगाउने नीति अन्तर्गत ०८० माघ १२ गते सो मुद्दा जगाइएको थियो । हाल पनि कसुरदार फरार रहेको प्रहरीले जनाएको छ ।

सीताराम अधिकारी