समाचारहरू

१९ वर्षीया युवतीलाई बलात्कार गरेको कसुरमा जिल्ला अदालतले बागलुङ नगरपालिका–५ का ४० वर्षीय भरत सापकोटालाई सात वर्ष कैद सजायको फैसला सुनाएको छ ।

जिल्ला अदालत बागलुङका न्यायाधीश वासुदेव न्यौपानेको चैत १० गतेको इजलासले कसुर ठहर गर्दै जबरजस्तीकरणी कसुरमा आरोपितलाई सात वर्ष कैद सजाय सहित  एक लाख रुपियाँ क्षतिपुर्तिको फैसला र एक हजार तीन सय रुपियाँ पीडित राहत कोषमा जम्मा गर्ने फैसला गरेको बागलुङ जिल्ला अदालतका सूचना अधिकारी सुर्य प्रसाद भण्डारीले इन्सेक प्रतिनिधिलाई जानकारी दिनुभयो ।

पीडितलाई आरोपितले ०७७ साउन १६ र १७ गते बलात्कार गरेको भन्दै पीडित पक्षले साउन २१ गते जिल्ला प्रहरी कार्यालय बागलुङमा उजुरी दिएका थिए ।

प्रहरीले आरोपितलाई सोही दिन गिरफ्तार गरी जिल्ला सरकारी वकिलको कार्यालय मार्फत भदौ ८ गते जिल्ला अदालत बागलुङमा जबरजस्तीकरणी शीर्षकमा मुद्दा गर्दा गरेको थियो ।

आरोपित जिल्ला अदालतको भदौ ९ गतेको आदेशले पुर्पक्षको लागि जिल्ला कारागार बागलुङमा थुनामा रहेका थिए ।

सिर्जना पन्त