बलात्कार गरेको कसुरमा पाँच वर्षकैदको फैसला

  ०७३ मङ्सिर ९ गते

४२ वर्षीया एक महिलालाई बलात्कार गरेको ठहर गर्दै दाङ जिल्ला अदालतले तुलसीपुर नपा-१० भट्टेका ६० वर्षीय केवल खत्रीलाई पाँच वर्षकैद गर्ने फैसला गरेको छ ।

न्यायाधीश चुरामण खड्काको इजलासले मङ्सिर ९ गते घटनामा दोषी ठहर गर्दै खत्रीलाई पाँच वर्षकैद तथा पीडितलाई २० हजार रुपियाँ क्षतिपूर्ति उपलव्ध भराउने फैसला सुनाएको अदालतका श्रेष्तेदार गम्भीर रानाले जानकारी दिए ।

पीडित महिलालाई आरोपितले गएको भदौ २८ गते बलात्कार गरेको आरोपमा पीडितले इलाका प्रहरी कार्यालय तुलसीपुरमा सोही दिन उजुरी दिएकी थिइन् ।

उजुरी लगत्तै प्रहरीले आरोपितलाई असोज २ गते गिरफ्तार गरेको थियो । पीडित महिलाको स्वास्थ्य परीक्षण राप्ती अञ्चल अस्पताल तुलसीपुरमा भदौ २८ गते नै गरिएको थियो ।


जे.एन.सागर