बलात्कार गरेको कसुरमा पाँच वर्ष कैद सजाय

१८ वर्षीया युवतीलाई बलात्कार गरेको कसुरमा जिल्ला अदालत पर्वतले कुश्मा नपा–८ चुवाका ३५ वर्षीय दुर्गाबहादुर क्षेत्रीलाई पाँच वर्ष कैद र ५० हजार क्षतिपुर्तिको भराउने सजाय सुनाएको छ ।

न्यायाधीश सुर्यबहादुर थापाको असोज ९ गतेको इजलासले क्षेत्रीलाई दोषी ठहर गर्दै सजाय सुनाएको हो ।

पीडित महिलालाई क्षेत्रीले जेठ १८ बलात्कार गरेको आरोपमा पीडित पक्षले जेठ १९ गते प्रहरीमा उजुरी दिएको थियो । पीडित पक्षको उजुरीपछि प्रहरीले आरोपितलाई जेठ १९ गते गिरफ्तार गरेको थियो । पीडित युवतीको स्वास्थ्य परीक्षण जेठ १९ गते जिल्ला अस्पतालमा गरिएको थियो ।


सन्तोष थापा