समाचारहरू

१८ वर्षीया युवतीलाई बलात्कार गरेको कसुरमा जिल्ला अदालतले तुम्बेवा गाउँपालिका–४ का ४९ वर्षीय रमेश भनिने पुर्खमान शेर्मालाई नौ वर्ष ६ महिना कैद सजायको फैसला सुनाएको छ ।

न्यायाधीश योगेन्द्रप्रसाद शाहको वैशाख १३ गतेको इजलासले कसुर गरेको ठहर गर्दै कैद सजायको फैसला गरेको अदालतका सूचना अधिकारी चित्रखर अधिकारीले इन्सेक प्रतिनिधिसँगको फोन सम्पर्कमा बताउनु भयो ।

पीडितलाई आरोपितले ०७७ जेठ १९ गते बलात्कार गरेको आरोपमा पीडित पक्षले आरोपितविरूद्ध सोही दिन जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई प्रहरीले जेठ २० गते गिरफ्तार गरी कानुनी कारबाही अघि बढाएको थियो ।

जिल्ला अदालतका न्यायाधीश मोहनराज भट्टराईको असार ७ गतेको आदेशमा आरोपित पुर्पक्षका लागि थुनामा थिए ।

पीडितको स्वास्थ्य परीक्षण जिल्ला अस्पतालमा जेठ २० गते गरिएको थियो ।

मङ्गल बेघा