समाचारहरू

२२ वर्षीया युवतीलाई बलात्कार गरेको कसुरमा जिल्ला अदातलले फेदाप गाउँपालिका–३ का ३५ वर्षीय डम्बरकुमार लिम्बूलाई तीन वर्ष ६ महिना  कैद सजायको फैसला गरेको छ ।

जिल्ला अदालतका न्यायाधीश प्रमेश पोखरेलेको ०८० असार १३ गतेको इजलासले कसुर गरको ठहर गर्दै कैद सजायसँगै २६ हजार रुपियाँ जरिबाना भराउन आदेश भएको अदालतका श्रेस्तेदार पारसमणि पोखरेलले इन्सेक प्रतिनिधिसँगको फोन सम्पर्कमा बताउनु भयो ।

पीडितलाई आरोपितले ०७८ मङ्सिर २९ गते  बलात्कार गरेको आरोपमा पीडित पक्षले आरोपितविरुद्ध ०७८ पुस १ गते जिल्ला प्रहरी कार्यालयमा उजुरी थियो ।

पीडित पक्षको उजुरीका आधारमा  आरोपितलाई प्रहरीले ०७९ फागुन १ गते सुनसरीको धरान गिरफ्तार गरी सरकारी वकिलको कार्यालयमार्फत जिल्ला अदालतमा फागुन २४ गते बलात्कार शीर्षकमा मुद्दा दर्ता थियो ।

जिल्ला अदालतका न्यायाधीश प्रमेश पोखरेलेको ०७९ फागुन २३ गतेको आदेशले आरोपित पुर्पक्षका लागि थुनामा थिए ।

पीडितको स्वास्थ्य परीक्षण जिल्ला अस्पतालमा ०७८ मङ्सिर २९ गते गरिएको थियो ।

सुरेश खत्री