बलात्कार गरेको कसुरमा जन्मकैद सजायको फैसला

  ०८१ माघ १० गते

सात वर्षीया बालिकालाई बलात्कार गरेको कसुरमा जिल्ला अदालतले छत्रदेब गाउँपालिका-६ का १८ वर्षीय युवकलाई जन्मकैद सजायको फैसला गरेको छ ।

जिल्ला अदालतका न्यायाधीश शिवलाल पाण्डेयको ०८१ माघ ९ गतेको इजलासले कसुर ठहर गर्दै जन्मकैद सजायको फैसला र ७ लाख रुपियाँ जरिबाना भराउने र सो रकम मध्ये २ हजार ८ सय रुपियाँ पीडित राहत कोषमा जम्मा गर्ने फैसला गरेको जिल्ला अदालतका नायव सुब्बा अशोक भण्डारीले जानकारी दिनुभयो ।

पीडित बालिकालाई युवकले ०८० चैत ३ गते बलात्कार गरेको भन्दै पीडित पक्षले ०८० चैत ५ गते जिल्ला प्रहरी कार्यालयमा उजुरी दिएका थियो । युवकलाई प्रहरीले चैत ५ गते गिरफ्तार गरेको थियो । पीडित बालिकाको स्वास्थ्य परीक्षण ०८० चैत ५ गते अर्घाखाँची अस्पताल सन्धिखर्कमा भएको थियो ।


कुलबहादुर नेपाली