समाचारहरू

१४ वर्षीया बालिकालाई बलात्कार गरेको कसुरमा सिन्धुली जिल्ला दुधौली नपा-५ घरभई हाल चाँगुनारायण नपा-२ दुवाकोटमा डेरा गरी बस्दै आएका २१ वर्षीय विशाल सुनच्यौरीलाई जिल्ला अदालतले वैशाख २४ गते आठ वर्ष कैद सजायको फैसला सुनाएको छ । न्यायाधीश मातृका प्रकाश मरासिनीको इजलासले उक्त फैसला सुनाएको हो ।

सो फैसलामा पीडित बालिकाको नाममा महिला तथा बालबालिका कार्यालयबाट १ लाख रुपियाँ क्षतिपूर्ति भराउन भनिएको जिल्ला अदालतका श्रेस्तेदार कृतबहादुर बोहराले जानकारी दिए ।

पीडित बालिकालाई ०७४ साउन २ गते सुनच्यौरीले बलात्कार गरेको भन्दै पीडित पक्षले सोही दिन महानगरीय प्रहरी वृत्त थिमिमा उजुरी दिएको थियो । पीडित बालिकाको स्वास्थ्य परीक्षण सोही दिन काठमाडौँको त्रिविवि शिक्षण अस्पतालमा गरिएको ।

पीडित बालिकालाई बलात्कार गरेको आरोपमा सुनच्यौरीलाई प्रहरीले साउन ३ गते गिरफ्तार गरेकोमा जिल्ला अदालतको साउन २७ गते आदशले पुर्पक्षको लागि थुनामा पठाइएको थियो ।

सविना केसी