बलात्कार गरेको कसुरमा आठ वर्ष कैद सजायको फैसला

१४ वर्षीया बालिकालाई बलात्कार गरेको कसुरमा कविलासी नगरपालिका–७ का ३३ वर्षीय दिलिपकुमार कर्णलाई जिल्ला अदालतले माघ १२ गते आठ वर्ष कैद सजायको फैसला गरेको छ ।

न्यायाधीश दुर्गाप्रसाद ढुङ्गेलको इजलासबाट मुद्दाको अन्तिम फैसला गर्दै आठ वर्ष कैद र १ लाख रुपियाँ पीडितलाई क्षतिपुर्ति दिन फैसला गरेको जिल्ला अदालतका स्रेस्तेदार विश्वनाथ आर्यालले जानकारी दिनु भयो ।

पीडित बालिकालाई आरोपितले ०७७ भदौ ४ गते बलात्कार गरेको आरोपमा पीडित पक्षले जिल्ला प्रहरी कार्यालय मलङ्गवामा भदौ ६ गते उजुरी दिएको थियो ।

पीडित बालिकाको स्वास्थ्य परीक्षण ०७७ भदौ ६ गते सर्लाही जिल्ला अस्पताल मलङ्गवामा गरिएको थियो ।


बुधन शाह