बलात्कार गरेको कसुरमा आठ वर्ष कैदको फैसला

  ०७८ मङसिर १५ गते

२० वर्षीया महिलालाई बलात्कार गरेको कसुरमा भरतपुर महानगरपालिका–२३ का २८ वर्षीय रविन रामदामलाई जिल्ला अदालत चितवनले आठ वर्ष कैदको फैसला सुनाएको छ ।

पीडित महिलालाई बलात्कार गरेको कसुर ठहर गर्दै न्यायाधीश केशव अधिकारीको इजलासले मङसिर १५ गते उक्त फैसला सुनाएको हो ।

16 days campaignNepali

पीडित महिलालाई रामदामले गत साउन १ गते बलात्कार गरेको भनी जिल्ला प्रहरी कार्यालयमा साउन ३ गते पीडितले उजुरी दिएकी थिइन् ।

रामदामलाई प्रहरीले साउन ४ गते गिरफ्तार गरेर अदालत पेश गरेको थियो । पीडित महिलाको स्वास्थ्य परीक्षण साउन ४ गते भरतपुर अपतालमा गरिएको थियो ।


दिपेन्द्र अधिकारी