समाचारहरू

१५ वर्षीया बालिकालाई बलात्कार गरेको कसुरमा जिल्ला अदालतले म्याग्दीको धौलागिरि गाउँपालिका-५ मल्कवाङका २६ वर्षीय अनिल बिकलाई आठ वर्षकैद सजायसँगै २५ हजार रुपियाँ क्षतिपूर्तिको सजाय सुनाएको छ ।

न्यायाधीश ध्रुवप्रसाद सापकोटाको इजलासले असार १७ गते आरोपितलाई सजाय र क्षतिपूर्ति भराउने फैसला गरेको श्रेस्तेदार दयाराम पोख्रेलले बताए ।

पीडित बालिकालाई आरोपितले जेठ १८ गते बलात्कार गरेको आरोपमा पीडित पक्षले सोही दिन प्रहरीमा उजुरी दिएको थियो ।

म्याग्दी घर भई पर्वतको कुश्मा नपा-१ पाङ सहस्रधारामा अस्थायी बसोबास गरी ट्याक्टर चालकको रूपमा काम गर्दै आएका बिकलाई प्रहरीले सोही दिन गिरफ्तार गरी मुद्दा चलाएको थियो । पीडित बालिकाको स्वास्थ्य परीक्षण जेठ १९ गते जिल्ला अस्पतालमा गरिएको थियो ।

सन्तोष थापा