समाचारहरू

बलात्कार कसुरमा सजाय  ठहर भएका फरार आरोपित  कृष्णनगर नगरपालिका– ८ बहादुरगञ्जका ४२ वर्षीय राजु यादवलाई प्रहरीले भदौ २५ गते कृष्णनगर बजारबाट गिरफ्तार गरेको छ ।

१२ वर्षीया बालिकालाई आरोपितले ०७८ साउन २८ गते बलात्कार गरेको भन्दै पीडित पक्षले साउन २८ गते जिल्ला प्रहरी कार्यालयमा उजुरी दिएका थिए ।

घटना पछि फरार रहेका यादवलाई  जिल्ला अदालतले  ०७८ पुस २५ गते बलात्कार कसुर ठहर गर्दै  १ वर्ष ११ महिना आठ दिन कैद र  २० हजार रूपियाँ जरिबानाको फैसला गरेको थियो ।

आरोपितलाई गिरफ्तार गरी जिल्ला अदालतमा बुझाइएको जिल्ला प्रहरी कार्यालय, कपिलवस्तुका डीएसपी गंगाबहादुर थापाले जानकारी दिनुभयो ।

पीडितको स्वास्थ्य परिक्षण ०७८ साउन २८ गते शिवराज अस्पताल, बहादुरगञ्जमा गरिएको थियो ।

पार्वती आचार्य