समाचारहरू

१३ वर्षीया बालिकालाई बलात्कार गरेको ठहर गर्दै जिल्ला अदालतले हेलम्बु गाउँपालिका-२ का ४३ वर्षीय रामचन्द्र बिकलाई ०८१ भदौ ३१ गते १८ वर्ष कैद सजाय, ७ लाख रुपियाँ जरिबाना र २० हजार रुपियाँ पीडितलाई क्षतिपूर्ति दिलाउने फैसला गरेको छ ।

न्यायाधीश भगवती शर्मा ढुङ्गानाको इजलासले बलात्कारमा संलग्न व्यक्तिलाई दोषी ठहर गर्दै १८ वर्ष कैदको फैसला गरेको जिल्ला कारागार कार्यालयका निमित्त कार्यालय प्रमुख मानबहादुर बिकले बताउनु भयो ।

पीडितलाई आरोपितले ०८० साउन २६ गते बलात्कार गरेको भन्दै पीडित पक्षले ०८० साउन २८ गते इलाका प्रहरी कार्यालय मेलम्चीमा उजुरी दिएको थियो । पीडितको स्वास्थ्य परीक्षण साउन २८ गते प्राथमिक स्वास्थ्य केन्द मेलम्चीमा गरिएको थियो । बिकलाई जिल्ला अदालतको आदेशले ०८० भदौ १९ गते पुर्पक्षका लागि थुनामा पठाएको थियो ।

नातिबावु धिताल