बलात्कार कसुर ठहर गर्दै १० वर्ष ६ महिना कैदको फैसला

  ०८० जेठ ३१ गते

२४ वर्षीया महिलालाई बलात्कार गरेको कसुर ठहर गर्दै जिल्ला अदालतका न्यायाधीश षडानन्द तिवारीको जेठ २९ गतेको इजलासले सरावल गाउँपालिका– ५ का २३ वर्षीय लभ यादवलाई १० वर्ष ६ महिना कैदको फैसला गरेको छ ।

पीडितलाई आरोपितले  ०७७ माघ २६ गते बलात्कार गरेको भन्दै पीडित पक्षले फागुन २ गते जिल्ला प्रहरी कार्यालय, परासीमा उजुरी दिएका थिए ।

घटना पछि फरार रहेका आरोपितलाई ०७८ माघ १३ गते गिरफ्तार गरी अनुसन्धान पछि ०७८ माघ २३ गतेको आदेश अनुसार पुर्पक्षकालागि थुनामा रहेका थिए ।

पीडितको स्वास्थ्य परीक्षण ०७७ माघ २ गते पृथ्वीचन्द्र जिल्ला अस्पताल, परासीमा भएको थियो ।


नारायण पराजुली