बलात्कार कसुर ठहर गर्दै आठ वर्ष कैदको फैसला

  ०८१ असार २ गते

३५ वर्षीया महिलालाई बलात्कार गरेको कसुर ठहर गर्दै जिल्ला अदालतले बेलकोटगढी नपा–११ का ४९ वर्षीय प्रकाश मुडवरीलाई आठ वर्ष कैद सजायको फैसला सुनाएको छ ।

जिल्ला अदालतका न्यायाधीश शुभाषबाबु पुरीको इजलासले जेठ ३२ गते कसुर ठहर गर्दै आठ वर्ष कैद सजाय र तीन लाख रूपियाँ जरिबानाको फैसला गरेको जिल्ला अदालतकी स्रेस्तेदार खेमकुमारी बस्नेले जानकारी दिनु भयो ।

 पीडितलाई आरोपितले ०७९ साउन १४ गते बलात्कार गरेको भन्दै पीडितले ०७९ चैत २१ गते जिल्ला प्रहरी कार्यालयमा उजुरी दिनु भएको थियो ।

पीडितको स्वास्थ्य परीक्षण चैत २१ गते त्रिशूली अस्पतालमा गरिएको थियो ।


नवदीप श्रेष्ठ