समाचारहरू

१३ वर्षीया बालिकालाई सामूहिक बलात्कार गरेको कसुरमा जिल्ला अदालतले १५-१५ वर्षीय बालकलाई ६-६ वर्ष कैद सजायको फैसला गरेको छ ।

जिल्ला अदालतका न्यायाधीश उमेशप्रसाद लुईटेलको असोज १३ गतेको इजलासले कसुर गरेको ठहर गर्दै ६-६ वर्ष कैद सजायको आदेश भएको अदातका सूचना अधिकारी रामचन्द्र बस्नेतले बताउनु भयो ।

१३ वर्षीया बालिकालाई ०८१ असार ३१ गते सामूहिक बलात्कार गरेको आरोपमा पीडित पक्षले आरोपितद्वय बालकविरूद्ध साउन १ गते इलाका प्रहरी कार्यालय, अनारमनीमा उजुरी दिएको थियो ।

पीडित पक्षको उजुरीका आधारमा आरोपितद्वयलाई प्रहरीले साउन १ गते गिरफ्तार गरी जिल्ला अदालतमा साउन १९ गते बलात्कार शीर्षकमा मुद्दा दर्ता गरेको थियो ।

जिल्ला अदालतको ०८१ साउन २० गतेको आदेशले आरोपितद्वय पुर्पक्षका लागि थुनामा थिए ।

पीडित बालिकाको स्वास्थ्य परीक्षण मेची प्रादेशिक अस्पताल, भद्रपुरमा साउन १ गते गरिएको थियो ।

नरेश खाती