बलात्कार कसुरमा २५ वर्ष कैदको फैसला

चार वर्षीया बालिकालाई बलात्कार गरेको कसुर ठहर गर्दै जिल्ला अदालतले त्रिपुरासुन्दरी गाउँपालिका–१ का २१ वर्षीय सुभाष जिरेललाई वैशाख २६ गते २५ वर्ष कैदको फैसला गरेको छ ।

जिल्ला अदालतका न्यायाधीश भगवती शर्मा ढुङ्गानाको इजलासले २५ वर्ष कैदको फैसला गरेको जिल्ला बार एकाइका अध्यक्ष भूपेन्द्रबहादुर थिङले बताउनु भयो ।

पीडितलाई आरोपितले ०७९ चैत २२ गते बलात्कार गरेको भन्दै पीडितकी आमाले ०७९ चैत २६ गते इलाका प्रहरी कार्यालय, बाह्रविसेमामा उजुरी दिनु भएको थियो ।

पीडितको स्वास्थ्य परीक्षण चैत २६ गते प्राथमिक स्वास्थ्य केन्द्र, बाह्रविसेमा गरिएको थियो ।


नातिबावु धिताल