समाचारहरू

१६ वर्षीया बालिकालाई बलात्कार गरेको कसुरमा ककनी गाउँपालिका–२ का ५० वर्षीय सानुकान्छा बलामीलाई जिल्ला अदालत नुवाकोटले ०७९ फागुन १८ गते २३ दिन कैद सजाय हुने फैसला गरेको छ ।

जिल्ला न्यायाधीश मदनबहादुर धामीको इजलासले फागुन १८ गते गरेको अन्तिम फैसलामा अभियोगमा आंशिक दाबी पुग्ने ठहर गर्दै २३ दिन कैद सजाय, २५ हजार रुपैयाँ क्षतिपुर्ति, सात सय रुपैयाँ जरिवाना र दुई सय रुपैयाँ पीडित राहत कोषमा दाखिला गर्न आदेश भएको जिल्ला अदालतकी सूचना अधिकारी तथा इजलास अधिकृत रीता लामिछानेले जानकारी दिनुभयो ।

सरकारी वकिलको कार्यालयले बलात्कार कसुर कायम हुनुपर्ने माग दाबी गरेर अदालतमा मुद्धा दर्ता गराएको थियो । तर, अदातलबाट अभियोगलाई बालयौन दुरुपयोगमा परिवर्तन गर्दै फैसला आएको सूचना अधिकारी लामिछानेले जानकारी दिनुभयो ।

बालिकालाई ०७८ मङ्सिर २२ गते बलात्कार गरेको भन्दै पीडित पक्षले बलामीविरुद्ध जिल्ला प्रहरी कार्यालयमा मङ्सिर २४ गते उजुरी दर्ता गराएका थिए ।

पीडित बालिकाको स्वास्थ्य परीक्षण मङ्सिर २४ गते त्रिशूली अस्पतालमा गरिएको थियो ।

जिल्ला अदालतले बलामीलाई ०७८ पुस १४ गते ३५ हजार रुपैयाँ धरौटीमा रिहा गर्न आदेश दिएको थियो ।

नवदीप श्रेष्ठ