समाचारहरू

१० वर्षीया बालिकालाई बलात्कार गरेको कसुरमा जिल्ला अदालतले १७ वर्षीय बालकलाई १६ वर्ष ८ महिना कैद सजायको फैसला गरेको छ ।

जिल्ला अदालतका न्यायाधीश शिवलाल पाण्डेयको ०८१ माघ २९ गतेको इजलासले बलात्कार गरेको कसुरमा १६ वर्ष ८ महिना कैद सजाय र ४ लाख ६६ हजार ६ सय ६६ रुपियाँ जरिबानाको फैसला भएको छ । सो जरिबाना रकम ४ लाख ६६ हजार ६ सय ६६ रुपियाँ ४ लाख ६६ हजार रुपियाँ पीडितलाई क्षतिपूर्ति भराउने फैसला गरेको जिल्ला अदालतका नायब सुब्बा अशोक भण्डारीले जानकारी दिनुभयो ।

पीडित बालिकालाई आरोपितले ०८१ जेठ २८ गते बलात्कार गरेको भन्दै पीडित पक्षले जेठ २९ गते जिल्ला प्रहरी कार्यालय सन्धिखर्कमा उजुरी दिएका थिए । आरोपित बालकलाई जेठ २९ गते गिरफ्तार गरेको थियो । पीडित बालिकाको स्वास्थ्य परीक्षण जेठ २९ गते अर्घाखाँची अस्पताल, सन्धिखर्कमा भएको थियो ।

कुलबहादुर नेपाली