समाचारहरू

७२ वर्षीया महिलालाई बलात्कार गरेको कसुर ठहर गदै जिल्ला अदालतले जेठ २३ गते प्यूठान नगरपालिका– ३ का ५२ वर्षीय हुकुमबहादुर खडकालाई १२ वर्ष  ६ महिना कैदको फैसला गरेको छ ।

जिल्ला अदालतका न्यायाधीश श्यामलाल घिमिरेको इजलासले १२ वर्ष ६ महिना कैद, ३ लाख रूपियाँ पीडितलाई भराउने र २५ हजार रूपियाँ क्षतिपुर्तीका साथै २ हजार २ सय रूपियाँ पीडित राहत कोषमा जम्मा गर्ने फैसला गरेको जिल्ला अदालतका अधिकृत तुलबहादुर गुरुङ्गले बताउनु भयो ।

पीडितलाई आरापितले ०७८ फागुन ६ गते बलात्कार गरेको भन्दै पीडित पक्षले फागुन ७ गते जिल्ला प्रहरी कार्यालयमा उजुरी दिएका थिए । प्रहरीले आरोपितलाई फागुन ७ गते घरबाट गिरफ्तार गरी जबरजस्ती करणीको अभियोगमा  फागुन ८ गते जिल्ला अदालतमा मुद्दा पेश गरेकामा सोही दिन जिल्ला अदालतले पुर्पक्षकालागि कारागार पठाएको थियो ।

जिल्ला अदालतले जेठ २३ गते जवरजस्ती करणीको मुद्दा आंशिक अभियोग दावी पुग्ने फैसला गरेको जिल्ला अदालतका अधिकृत तुलबहादुर गुरुङ्गले बताउनु भयो ।

पीडितको स्वास्थ्य परीक्षण ०७८ फागुन ७ गते जिल्ला अस्पताल बिजुवारमा गरिएको थियो ।

रविन्द्र पाण्डे