समाचारहरू

१२ वर्षीया छोरीलाई बलात्कार गरेको कसुरमा ४२ वर्षीय बुबालाई ०८१ माघ २४ गते जिल्ला अदालतले १२ वर्ष कैद सजायको फैसला गरेको छ ।

जिल्ला अदालत रौतहटका न्यायाधीश शम्भु रेग्मिको इजलासले कसुर ठहर गर्दै १२ वर्ष कैद सजाय र ५ लाख रुपियाँ क्षतिपुर्ति भराउने फैसला गरेको श्रेस्तेदार उद्धब ढोडारीले बताउनुभयो ।

पीडितलाई ०८१ वैशाख १४ गते आरोपित बुबाले बलात्कार गरेको भन्दै पीडितकी आमाले वैशाख २२ गते जिल्ला प्रहरी कार्यालय गौरमा उजुरी दिनुभएको थियो ।

आरोपितलाई वैशाख २२ गते गिरफ्तार गरी सरकारी वकिल कार्यालय मार्फत जिल्ला अदालतमा मुद्दा दर्ता गराइ थप अनुसन्धान पछि जेठ १६ गते पुर्पक्षका लागि थुनामा पठाएको थियो ।

पीडित बालिकाको स्वास्थ्या परिक्षण वैशाख २२ गते प्रादेशिक अस्पताल गौरमा भएको थियो ।

गौरी न्यौपाने