बलात्कार कसुरमा १२ वर्ष कैदको फैसला

  ०७९ मङ्सिर १३ गते

१६ वर्षीया बालिकालाई बलात्कार गरेको कुसरमा घरपझोङ गाउँपालिका–२ का २० वर्षीय सौगात गोतामे भन्ने सौगात घतानेलाई जिल्ला अदालत मुस्ताङले १२ वर्ष कैद र ४ लाख रुपियाँ जरिबानाको फैसला गरेको छ ।

न्यायाधीश ईश्वर पराजुलीको मङ्सिर १२ गतेको इजालसले आरोपित घतानेविरूद्ध सो पैmसला गरेको हो ।

गत कात्तिक १४ गते कसुर ठहर भई सजाय निर्धारणका लागि पेश भएकोमा न्यायाधीश पराजुलीले उक्त फैसला सुनाउनु भएको जिल्ला अदालत मुस्ताङका श्रेस्तेदार मुकुन्द आचार्यले बताउनु भयो ।

पीडित बालिकालाई गोतामेले ०७८ साउन १४ गते बलात्कार गरेको भन्दै पीडित पक्षले आरोपितविरूद्ध ०७८ साउन १५ गते जिल्ला प्रहरी कार्यालय मुस्ताङमा उजुरी दिएको थियो ।

पीडित पक्षको उजुरीपछि प्रहरीले आरोपितलाई सोही दिन घरपझोङ गाउँपालिका–२ मार्फाबाट गिरफ्तार गरी अनुसन्धान अगाडि बढाएको थियो ।

जिल्ला सरकारी वकिल कार्यालयले ०७८ भदौ ४ गते जिल्ला अदालत मुस्ताङमा अभियोगपत्र दर्ता गराएको थियो ।

पीडित बालिकाको स्वास्थ्य परीक्षण साउन १५ गते जोमसोम अस्पतालमा गरिएको थियो ।


अमृतप्रसाद पौडेल