समाचारहरू

बालिका बलात्कारको कसुरमा जिल्ला अदालतले भानु – १० का ७३ वर्षिय ज्येष्ठनागरिकलाई जन्मकैदको फैसला सुनाएको छ ।

न्यायाधीश हरिशचन्द्र ढुङ्गानाको ०७९ माघ १८ गतेको इजलासले बालिका बलात्कारको अभियोग दावी पुग्ने ठहर गर्दै आरोपितलाई जन्मकैदको फैसला सुनाएको हो । मुद्दाको संवेदनशीलताका कारण पीडकको नाम खुलाउन नमिल्ने जिल्ला श्रेस्तेदार मीनबहादुर कुंवरले जानकारी दिनु भयो ।

०७७ असार १५ गते र साउन ४ गते  ९ वर्षीया, ११ वर्षीया र १२ वर्षीया तिनजना बालिकालाई बलात्कार गरेको अभियोगमा आरोपितलाई प्रहरीले ०७७ कार्तिक २ गते गिरफ्तार गरेर जिल्ला कारागारमा थुनामा राखेको थियो । सोही आरोपमा थुनामा रहेका १७ बर्षिय किशोरलाई भने अदालतले सफाई दिएको छ ।

आरोपित माथि तिन वटा छुट्टाछुट्टै बलात्कारको मुद्दा दर्ता भएकोमा बाँकी दुई ओटा मुद्दामा कसुर ठहर भएपनि सजाय निर्धारण हुन भने बाँकी रहेको श्रेस्तेदार कुँवरले जानकारी दिनुभयो । पीडितहरूको स्वास्थ्य परीक्षण ०७७ कात्तिक २ गते दमौली अस्पतालमा गरिएको थियो ।

प्रकाशचन्द्र भट्टराई