बलात्कार कसुरमा एक वर्ष तीन महिना कैद सजायको फैसला

  ०७८ पुस २३ गते

१५ वर्षिया बालिका बलात्कार कसुरमा विदुर नगरपालिका–४ का २१ वर्षीय मोहन असरपतीलाई एक वर्ष तीन महिना कैदको सजाय फैसला सुनाएको छ ।

जिल्ला न्यायाधीश उमेशप्रसाद लुईटेलको इजलासले पुस २२ गते आरोपितलाई आंशिक कसुरदार ठहर गर्दै एक वर्ष तीन महिना कैद फैसला, पीडितलाई ४० हजार रुपैयाँ क्षतिपूर्ति भराउन र १५ हजार रुपैयाँ जरिवाना गराउन समेत फैसला गरेको जिल्ला अदालतका सूचना अधिकारी रीता लामिछानेले जानकारी दिनुभयो ।

१५ वर्षीया बालिकालाई ०७७ वैशाख २४ गते बलात्कार गरेको भन्दै पीडितले जिल्ला प्रहरी कार्यालयमा ०७७ वैशाख २६ गते उजुरी दिएकी थिइन् ।

जिल्ला अदालतले आरोपितलाई ०७७ जेठ १९ गते पुर्पक्षको लागि थुनामा पठाएको थियो । पीडित बालिकाको स्वास्थ्य परीक्षण ०७७ वैशाख २६ गते त्रिशूली अस्पतालमा भएको थियो ।


नवदीप श्रेष्ठ