समाचारहरू

१७ वर्षीया बालिकालाई बलात्कारपछि हत्या गरेको आरोपमा प्रहरीले नवलपरासी (बर्दघाट सुस्ता पश्चिम) रामग्राम–१२ का १९ वर्षीय अजयराज भरलाई प्रहरीले कात्तिक १ गते गिरफ्तार गरेको छ ।

पीडितलाई आरोपितले ०७८ साउन २२ गते साँझ बलात्कार गरेपछि हत्या गरेको भन्दै पीडित पक्षले आरोपितविरुद्ध साउन २४ गते जिल्ला प्रहरी कार्यालय नवलपरासी (बर्दघाट सुस्ता पूर्व) मा उजुरी दिएका थिए ।

घटनापछि पीडितको स्वास्थ्यमा समस्या देखिएपछि उनलाई सोही दिन उपचारको लागि पश्चिम नवलपरासी स्थित शहिद स्मृति सामुदायिक अस्पताल चौपत्ता लग्दा  चिकित्सकले मृत घोषण गरेको मृतकका बुबाले बताउनुभयो ।

घटनापछि फरार रहेका आरोपितलाई कात्तिक १ गते गिरफ्तार गरी थप अनुसन्धान गरिरहेको जिल्ला प्रहरी कार्यालयका डिएसपी दिलिप गिरीले बताउनुभयो ।

मृतकको पोष्टमार्टम लुम्बिनी प्रादेशिक अस्पताल रुपन्देहीमा साउन २४ गते भएको थियो ।

तिर्थराज डुम्रे