समाचारहरू

बरबोटे-४ की ४५ वर्षीया टीकामाया परियारलाई बलात्कार गरी हत्या गरेको कसुरमा बरबोटे-४ का २७ वर्षीय हरि भन्ने हिमाल गुरुङलाई जिल्ला अदालतले जन्मकैदको फैसला सुनाएको छ ।

न्यायाधीश नवराज दाहालको इजलासले माघ २५ गते गुरुङविरुद्ध चलेका 'जबरजस्तीकरणी र  कर्तव्य ज्यान'सम्बन्धी मुद्दामाथि सुनुवाइ गर्दै जबरजस्तीकरणी महलको ३ (५) बमोजिम सात वर्ष कैद र ज्यानसम्बन्धी महलको १३ (३) अनुसार जन्म कैद हुने फैसला सुनाएको अदालतका श्रेस्तेदार जगदीश्वर भट्टराईले जानकारी दिए ।

पीडित महिलालाई आरोपितले ०६४ मङ्सिर २० गते बलात्कार गरी हत्या गरेको अदालतले जनाएको छ । घटना लगत्तै फरार रहेका गुरुङलाई ०७३ जेठ ६ गते गिरफ्तार गरी अदालती कारबाही सुरू गरिएको थियो ।

कोकिला ढकाल