बलात्कारको मुद्दा मुल्तबीमा

  ०७८ चैत १५ गते

१८ वर्षीया युवतीलाई खडक नगरपालिका–३ बस्ने १९ वर्षीय जावेद भनिने मो. साबिरले बलात्कार गरेको भनी परेको मुद्दा सप्तरी जिल्ला अदालतले २०७८ चैत १४ गते मुल्तबीमा राख्ने फैसला गरेको छ ।

जिल्ला अदालतमा २०७६ साउन १३ गते दायर भएको सो मुद्दा न्यायाधीश इश्वरमणी ओझाको इजलासबाट मुल्तबीमा राख्ने फैसला भएको हो ।

पीडित युवतीलाई आरोपितले ०७५ भदौ १ गते बलात्कार गरेको भन्दै पीडितले भदौ २ गते इलाका प्रहरी कार्यालय, कडरबोनामा उजुरी दिएकी थिइन् ।

इलाका प्रहरी कार्यालय, कडरबोनाले ०७५ भदौ २ गते बलात्कारको उजुरी दर्ता गरेको थियो ।

पीडितको स्वास्थ्य परीक्षण लहान नगरपालिका–३ स्थित रामकुमार उमाप्रसाद शारदा स्मारक अस्पतालमा ०७५ भदौ २ गते गरिएको थियो । आरोपित हालसम्म फरार रहेको प्रहरीले जनाएको छ ।


मनोहरकुमार पोखरेल