बलात्कारको मुद्दा मुल्तबीमा राख्ने फैसला

  ०७८ पुस २५ गते

१० वर्षीया बालिकालाई बलात्कार गरेको आरोपमा ‘फरार’ रहेका ३१ वर्षीय बुबाविरुद्धको उजुरी पुस २३ गते मुल्तबीमा राख्ने जिल्ला अदालतले फैसला गरेको छ ।

न्यायाधीश इश्वरमणि ओझाको इजलाशले मुद्दाको अन्तिम आदेश गर्दै मुल्तबीमा राख्ने फैसला गरेको अदालतका स्रेस्तेदार कुमार मास्केले बताउनु भयो ।

पीडित बालिकालाई आरोपितले ०७६ फागुन २ गते बलात्कार गरेको भन्दै छिमेकी आफन्तले इलाका प्रहरी कार्यालय कडरबोनामा फागुन ३ गते उजुरी दिएका थिए ।

पीडितको स्वास्थ्य परीक्षण गजेन्द्रनारायण सिंह अस्पताल राजविराजमा ०७६ फागुन ३ गते गरिएको थियो । इलाका प्रहरी कार्यालय कडरबोनाले फागुन ४ गते उजुरी दर्ता गरेको थियो ।

जिल्ला अदालतबाट ०७६ फागुन २० गते पक्राउ पुर्जी जारी भएकोमा आरोपित हालसम्म गिरफ्तार भएका छैनन् ।


मनोहरकुमार पोखरेल